Omaruru-Usakos-San Village-Swakopmund...

Vum Etosha Park geet et an Richtung Swakopmund. Ënnerwee  Iwernuechten mir an den Bierger op engem Camping ouni Stroum an Sanitär ausser enger Toilette. Fir eng Nuecht ass dat awer keen Problem. Hei hun mir en Treffen mat enger Famill déi do drei Méint esou liewen wéi hir Virfahren gelieft hun. Duerno kënnt eng aaner Famill. Esou wëllen si hiren Kanner an och den Touristen weisen wéi et fréier war.  Et sin dat den Stamm „SAN“ . Op enger Wanderung vun zwou Stonnen gin mir vill gewuer iwert d’Juecht, d’Natur an hir Kultur.

Owes hun mir zesummen en Grill organiséiert. An den Bierger mat engem Stärenhimmel  war dat natierlech genial!

Camping an den Bierger

..... einfach schéin!

Zu Swakopmund konnten mir drei Deeg méi oder wéineger relaxen. Hei waren zwee flott Ausflich organiséiert.

Den éichten Dag mat den Jeepen Duerch d’Wüst. Hei hun mir Schlangen, Skorpiounen an Kamelionen gesin.

Den zweeten Dag dann mam Schëff eraus bei  d’Delfinen, d’Pelikanen an d’Séihënn. Dës zwee Ausflich hun ëmmer 5-6 Stonnen gedauert.

Um Strand konnen mir dunn och nach honnerten vun Flamingos nokucken.

Eisen Camping zu Swakopmund war top! All Plaatz huet seng privat Buedzëmmer an Grillplaatz.