Liwa Oase an a Quarantän zu Dubäi
Mir sinn immens frou dass mir beim PCR Test fir d'Ausrees aus Saudi Arabien all negativ sinn an hu geduecht dass mir déi ongewëss Zäit "positiv/negativ" iwwerstan hätten.
Beim éischte Briefing vun eisem neien Team (Ines, Dima an Arrat) ass et dunn och no vill Wochen emol nees e Glas Schampes ginn 🙂
Um Wee an d'Liwa Oase
Um Wee an d'Liwa Oase
Leider war d'Freed net vu laanger Dauer well op der Grenz fir a d'Emiraten hu mir jo och missen e PCR Test maachen an dee war dunn nees positiv. Och si mir elo schonn zu 5 Camper. Zu Abu Dhabi si se ganz streng an de Risiko mussen an en Quarantän Hotel ze goen war grouss. Eis Guide sinn direkt kontaktéiert gi fir eis Adressen ze kréien. Schnell war decidéiert dass mir (5 Camper begleet vun eisem Team-Auto) weider op Dubäi un de Stand a Selbstquarantän fueren. D'Kontrolle sinn zu Dubäi net esou streng. Hei verbrénge mir elo 5 Deeg um Stand an hoffen dass mir da mat engem negativen Test weider an den Oman kommen.
Déi grouss Moschee(Abu Dhabi) hu mir nach vu wäitem konnte kucken!
A modern Gebäier. Méi leider net.
Zwou Stonnen duerch Dubäi ze fueren hunn ech gutt gemeechtert!
Um Strand am Quarantän-Camp
Sonnenënnergang emol anescht..
Sonnenënnergang emol anescht..
Sonnenënnergang emol anescht..
Um Qasba Canal
D'Vereenescht Arabesch Emirate bestinn aus 7 Scheichtümer. Et besteet eng gemeinsam Aussen a Wirtschaftspolitik mee déi eenzel Emirate gi vun de gewéinlechen Emiren regéiert. Si regéieren hier Gebitter autonom. Och wa mir positiv getest an a Quarantän sinn kënne mir hei am Emirat Sharjah direkt bei Dubäi spadséiere goen. Et ass schonn impressionnant wéi vill Héichhaiser et och hei ginn.
Moies wann d'Sonn obgeet am Quarantän Camp.
Moies wann d'Sonn obgeet am Quarantän Camp.
Waterfront
Bye bye Dubäi...
De PCR Test vum ganze Grupp war elo no bal zwou Wochen negativ a mir si mat positive Gedanken op d'Grenz fir an den Oman gefuer. An eppes méi ewéi dräi Stonnen hate mir et ouni Problemer gepackt.